Meðmæli við prófun og ræktun
[Þýðing unnin af Vigdísi Andersen]
Eftirfarandi meðmæli eru unnin með tilliti til Maine Coon katta. Aðrar tegundir gætu komið betur út með örlítið breyttum meðmælum, enn eins og er eru Maine Coon meðmælin þau einu sem við höfum. Vonandi fáum við meðmæli fyrir fleiri tegundir þegar líður á.
Meðmæli við prófun:
Fyrsta HCM sónarskoðunin ætti að gera við 1 árs aldur og áður en kötturinn er notaður til undaneldis. Mælt er með fleiri prófum á ársfresti þar til kötturinn er orðinn eldri en þriggja ára. Eftir þann tíma er mælt með síðustu skoðuninni við 5 ára aldur. Þegar ræðir um ketti sem eru sérstaklega mikilvægir fyrir ræktunar heildar ræktunarstofninn eða ketti sem eru í sérstökum áhættuflokk (tvíræðar sónarniðurstöður eða eiga náinn ættingja sem hefur greinst með HCM) er viturlegt að sónarskoða enn síðar, t.d. Um átta ára aldur. Vinsamlegast athugið að þetta er til viðmiðunar og hvert tilfelli skal skoða sér.
Meðmæli til ræktunar:
Hér eru einnig meðmæli sem eru til viðmiðunar þar sem þarf að skoða hvert eitt og einasta tilfelli sér.
*) þegar talað er um náinn ættingja í þessu samhengi er átt við systkyni, foreldra og afkvæmi þeirra.
Eðlilegt hjarta:
Kettir greindir með eðlilegt hjarta og eiga enga nána ættingja* með HCM má að sjálfsögðu nota til ræktunar út frá HCM viðmiðum.
Greindur með HCM:
Kettir sem greinast með HCM að einhverju stigi ættu alls ekki að nota til ræktunar.
Kettir með tvíræðar niðurstöður
Tvírætt (equivocal) þýðir að það fannst eitthvað í hjartanu í sónarskoðuninni sem er ekki eðlilegt, en á þeim tímapunkti er ekki skýrt hvort það sé HCM eða hvort það eigi eftir að þróast í HCM eður ei.... Það þýðir ekki að kötturinn fái sjálfkrafa HCM!!!! Tvírætt þýðir okkurat tvírætt. Frávikið sem mældist gæti verið orsök af öðrum vandamálum, t.d. Háum blóðþrýstingi, nýrna skorti, eða einhverju allt öðru. Kötturinn gæti líka haft eðlilega útgáfu af "stöðluðu" viðmiðunum, t.d. Gætu totuvöðvarnir verið óvenjustórir miðað við meðal köttinn, einungis frekari sónarskoðun mun skera úr um hvort þetta sé HCM eða ekki.
Kettir með tvíræðar niðurstöður ættu að notast svona:
Tvírætt, yngri en 2 ára:
Ef kötturinn var yngri en 2 ára þegar sónarskoðunin var framkvæmd er ekki mælt með því að nota þann kött til ræktunar. Hinsvegar ætti að framkvæma annað próf þegar hann er eldri en 2 ára.
Tvírætt, 2-3 ára:
Ef kötturinn var milli 2-3 ára þegar sónarskoðunin fór fram má skipuleggja eitt got ef það er algjörlega nauðsynlegt, ef kötturinn hefur ekki átt nein got fyrir. Hitt foreldrið á móti ætti að sjálfsögðu að hafa heilbrigt hjarta og ekki vera með neina nána ættingja* sem hafa verið greindir með HCM. Kettlingar úr þessari pörun má ekki nota til ræktunar fyrst um sinn. Þetta bann við ræktun má aflétta ef foreldrið með háuáhættuna fær niðurstöðuna heilbrigt hjarta eða er enþá tvíræður eldri en þriggja ára.
Tvírætt, eldri en 3 ára:
Ef kötturinn var eldri en 3 ára þegar sónarskoðunin fór fram má nota hann í ræktun en bara ef hann er notaður á móti einstaklingi sem greindur er með heilbrigt hjarta og hefur enga nána ættingja* greinda með HCM.
Nánir ættingjar þjáðra katta
Ef köttur greinist með HCM eru eftirfarandi meðmæli fyrir nána ættingja* hans:
Náinn ættingi hefur verið greindur með HCM, hjartað er eðlilegt á kettinum sjálfum þegar hann er yngri en 2 ára:
Það er ekki mælt með að nota þessa ketti í ræktun þar til annað próf hefur verið framkvæmt eftir 2 ára aldur.
Náinn ættingi hefur verið greindur með HCM, hjartað er eðlilegt á kettinum sjálfum þegar hann var 2-3 ára:
Í mesta lagi er í lagi að framvkæma eitt got, gefið að kötturinn á engin afkvæmi fyrr. Hitt foreldrið sem parað er við ætti að hafa eðlilegt hjarta og enga nána ættingja* greinda með HCM. Kettlingana úr þessari pörun á ekki að nota til ræktunar til að byrja með. Ræktunarbannið má draga til baka ef foreldrið hefur ekki sýnt nein merki um HCM við 3 ára aldur.
Náinn ættingi hefur verið greindur með HCM, hjartað er eðlilegt á kettinum sjálfum þegar hann var eldri en 3 ára:
Ef kötturinn sýnir enn engin merki um HCM þegar hann er orðinn 3 ára má nota hann í ræktun. Hann ætti þó helst að para við Maine Coon sem er áhættulaus (eða ekki kött sem á náinn ættingja* greindann með HCM).
Ef kötturinn hefur verið greindur með tvíræða niðurstöðu og á einnig náinn ættingja sem hefur verið greindur með HCM ættir þú að fara sérstaklega varlega.
Hjálp!
Ef þú ert óörugg/ur með hvað á við þinn kött, ekki hika við að hafa samband við tengiliðinn fyrir heilsufarsverkefnið!